يمه...تدرين شصار اليوم...رحت المدرسه...شفت الابله...عطتني هديه ومعاها بسمه..

تدرين ليه؟؟ كتبت عن حبج يايمه..كتبت عن جنتج يمه...ووصفت دفا حضنج يمه..

تدرين شقالت الابله ..قالت انج مدرسه...عيل ليه اروح المدرسه يمه؟؟

علمتيني العطف والحنان يمه..وشلون انطق يبه يمه..يمه انتي بي ادرى ..

وتدرين شقالت الابله..قالت اكتبوا بالاحمر احبج يمه..قالت مره وانا كتبتها مية مره..

تذكرتج ونزفت دمعه وراحت وراها مليون دمعه..

وغاصت بي الغصه وهاجت بي الذكرى ..

..قالت تدرون وين الجنه..

رفعت يدي وبعيوني دمعه..قلت لها تحت ريلج يايمه..

ابتسمت لي بسمه ..كملت وقلت وكيف اللي فقد امه..

سكتت الابله وشافتني بعبره..

قلت لها ..حبي يكفى..

سكتت الابله..

قلت لها كيف ابوفي ..

سكتت الابله..

كيف احيا بدون ضمه بدون يمه بدون جنه..

لا اجابه ولا كلمه تبرد قلبي وحره..

قالت الابله ادعي..

قلت يالله ارزق امي اعلى جنه..

علامك يايمه تكفين ردي يايمه..

يالس قريب قبرك..علي القى دفى حضنك يايمه..

عسى ماتعبتج بحزني وشكوتي يمه..

بس هذا حال قلبي بعد مارحلتي يمه..

اوعديني يايمه..اشوفك وتضميني..

اوعديني يايمه لقانا يكون في الجنه..

......